شعری از همای

ما را که بجز توبه شکستن هنری نیست

با هر  دله دیوانه  نشستن  ثمری نیست

برخیز جز این چاره نداری که در اینجا

جز جام می و مطرب و ساقی خبری نیست

 

ما خانه بدوشیم 

ما حلقه به گوشیم

جز در ره این کار نکوشیم و نکو شیم

 

در کلبه ما سفره ارباب و فقیرانه جدا نیست

در حلقه ما جنگ و نزاعی به سر شاه و گدا نیست

ما مطربه عشقیم ودر او از سناییم و خداییم

در کعبه ما  جنگ رسیدن به خدا نیست

 

ای عاشق دیوانه  وا کن در میخانه

می زن دو سه پیمانه که ناخورده می و رفته ز هوشیم

ناصح زنجانی

بعضی بشرین دهریده یوز صورتی واردی

 

الله بولوری قلبیده نه نیتی واردی

 

بیرگون گوروسن جبهه شیطانه طرفدی

 

بیر گون گوروسن شاه شهیدانه طرفدی

 

بیر گون گوروسن تابع اولوب کفر و نفاقه

 

بیر گون گوروسن قاره گئییب باشدان ایاقه

 

بیر گون گوروسن آجر آتیر کاخ یزیده

 

بیر گون گوروسن داش داشییر قبر شهیده

 

قیلمیر ایکی رکعت نامازین هفته به هفته

 

جمعه نامازیندا دایانیر اول صفده

 

انساندا کی مین رنگ اولا انسان دئماخ اولماز

 

مین رنگلی انسانه مسلمان دئماخ اولماز

 

لعنت گله بیر شخصه کی بنیان وجودی

 

ظاهرده مسلمان اولا باطنده یهودی

 

آه ای کی علی شیعه سیسن مین یولا گئتمه

 

شخصیتیوین دامنینی لککه لی ائتمه

 

تزویر ائلمه خلق پراکندیه خاطیر

 

الله گوره سعی ائله نه بندیه خاطیر

 

احسان وئریسن تا کی آدین دیللره دوشسون

 

داراییوین آوازه سی محفللره دوشسون

 

بیر کس بوله همسایه نین آذوقه سی کمدی

 

والله اونون احسانیده اسلامه ستمدی

 

تشریخ ائله انگیزه اخسان ندی سنده ؟

 

بو بخشش و بو بذل فراوان ندی سنده ؟

 

سعی ئیلییسن مهر حسین دونمیه قهره ؟

 

یا ثروتیوی گورسدیسن مردم شهره ؟

 

اما بونی بول یار اولان اغیاری بینمز

 

زهرا بالاسی شخص ریاکاری بینمز

 

یوز یول گئدسن مککیه گر پول ربادن

 

مین یول دولانیب یول سالاسان مروه صفادن

 

احرامی اگر قامتیوه باغلیاسان سن

 

یوز دفعه بقیعده اوتوروب آغلیاسان سن

 

چون قلبیوه نور عملین تابشی یوخدی

 

واللهی او حججین توکو جان ارزشی یوخدی

 

فانوسه نه حاجت او زامان کی گونوز اولسا

 

انسان اوزی بیر کعبه دی اعمالی دوز اولسا

 

هر قلب کی پاک اولسا اوزی قبله نمادی

 

بیر نیمه سی مروه او بیری نیمه صفادی

 

هر قلبیده آئینه کیمین اولماسا لککه

 

گر یاخشی گزیب آختاراسان اوردادی مکه

یاغیش

دونن آخشام چاغی سن‌سیز منی آغلاتدی یاغیش

یادیما سالدی سنی مطلیبینه چاتدی یاغیش

 

کوچه‌لر اولدو گؤزومده یئنه بیر آرپا چایی

منی سن‌سیز نئجه نیسگیل سئلینه آتدی یاغیش

 

اودو سؤندورمه سویین قایداسی‌دیر امما دونن

کؤزرن گؤیلومو یاغدیقجا آلوولاتدی یاغیش

 

یادا سالدی او یاغیش‌لیق گونو کی اوندا منی

کیپینیک تک باشیوا شؤوقیله اویناتدی یاغیش

 

بوخاقین‌دان آخا‌راق بیلدی شیرین‌لیک شانیسان

گول اوزون‌دن سوزولوب بال مزه‌سین داددی یاغیش

 

دوداغین قیرمیزی گول‌لر کیمی آچمیشدی سنین

سوزولن بال او دوداق‌لاردا قانا باتدی یاغیش

 

او قدر مستیدیم هئچ بیلمدیم آخیر نه زامان

سینم اوسته ساریلان تئل‌لری ایسلاتدی یاغیش

 

اینجه یارپاخدا کسیب قوینوما گیردین اوشودون

شکری گؤر نه مهارتله گوله قاتدی یاغیش

 

دامجی دامجی سنه لایلای دئدی قوینومدا منیم

نه دئییم بلکه سنی کؤرپه‌یه اوخشاتدی یاغیش

 

سونرا بیلدیم آپاریپ قورد کئچینین شنگولوسون

سنی من‌دن آلیب آنجاق منی آلداتدی یاغیش

 

دونن آخشام یئنه بیر سئودادا گؤردوم کی منی

آجی‌لیقلا او شیرین خاطیرنی ساتدی یاغیش

 

اویانیردیم کی باشیم ده یدی ملامت داشینا

منی رؤیا‌دن آییتماخدا اؤزو یاتدی یاغیش

Neçə ildir ki dilim bağlı qalıbdır

neçə ildir ki dilim bağlı qalıbdır

 

 şüvünist düşman əlində talanıbdır

 

qalmasın zülmü ediblər ona hər gün

 

təhqirin atəşinə çoxlu yanıbdır

 

bu şərəfli dili alçatmağa düşman

 

anasından elə bil fərman alıbdır

 

elə alçatdılar Türkün dilini ki

 

bəzilər Türklüyünü cəmdə danıbdır

 

bəzilərdə danışır farsı dilində

 

unudubdur dilini yada atıbdır

 

hələ onlar kınara var elə ınsan

 

dilini tarixini farsa satıbdır

 

hər dil olsaydi hayatın bitirəydi

 

bu mənim dildi bu zülmə dayanıbdır

 

keçdi o qəmli keçən illərimizdə

 

indi bax gör daha millət oyanıbdır

 

bire xurdadda çixan Azər elimiz

 

duşmanın ağzına bir düdmə çalıbdır

 

bəbəkin evladına indida heşkim

 

deyə bilməz ki o qiflətdə yatıbdır

 

bir haray Türk demağınan hamı gördü

 

duşmanın rəngi qaçıbdır saralıbdır

 

millətin birliyi dil istəmağında

 

farsların içrəsinə qorxu salıbdır

 

belə qorxmaq belə qaçmaq görsədir ki

 

köpək oğlu duşman artıq qocalıbdır

 

Ana yurdun igidi dalda dayanma

 

qələbə ləhzəsinə çox azalıbdır

 

nə qədər səbr eliyaq day bizə bəsdi

 

indi sən qalx ayağa vaxtı çatıbdır